6155 ದಿನಗಳ ಬಳಿಕ ಆರ್ಸಿಬಿ ಚೆನ್ನೈನಲ್ಲಿ ಐತಿಹಾಸಿಕ ಗೆಲುವು ಸಾಧಿಸಿದೆ

 ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಆರ್ಸಿಬಿಯ ಭರ್ಜರಿ ಪ್ರದರ್ಶನ

ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡ 6155 ದಿನಗಳ ಬಳಿಕ ಚೆನ್ನೈ ಸೂಪರ್ ಕಿಂಗ್ಸ್ (CSK) ವಿರುದ್ಧ ಅವರ ಹೋಮ್ ಗ್ರೌಂಡ್ ಎಂ.ಎ. ಚಿದಂಬರಂ ಸ್ಟೇಡಿಯಂನಲ್ಲಿ ಭರ್ಜರಿ ಗೆಲುವು ದಾಖಲಿಸಿದೆ. ಈ ಜಯ ತಂಡದ ಆತ್ಮವಿಶ್ವಾಸವನ್ನು ಹೆಚ್ಚಿಸಿರುವುದರ ಜೊತೆಗೆ, ಪಾಯಿಂಟ್ ಟೇಬಲ್ಲಿನ ಅಗ್ರಸ್ಥಾನ ಕಾಯ್ದುಕೊಳ್ಳಲು ಸಹಾಯ ಮಾಡಿದೆ. 17 ವರ್ಷಗಳ ಬಳಿಕ ಚೆನ್ನೈನಲ್ಲಿ ಗೆಲುವು ಸಾಧಿಸಿದ ಆರ್ಸಿಬಿ, ಈ ಪಂದ್ಯದಲ್ಲಿ ಸಂಘಟಿತ ಆಟ ಪ್ರದರ್ಶಿಸಿ 50 ರನ್ ಅಂತರದ ಗೆಲುವು ದಾಖಲಿಸಿದೆ.

ಈ ಐತಿಹಾಸಿಕ ಗೆಲುವಿಗೆ ಐದು ಪ್ರಮುಖ ಅಂಶಗಳು ಕಾರಣವಾಗಿವೆ.

1. ಪವರ್ಫುಲ್ ಆಟ ಮತ್ತು ಗಟ್ಟಿ ಆರಂಭ

ಆರ್ಸಿಬಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಬೇಕಾಯಿತು. ಈ ಸಮಯದಲ್ಲಿ, ತಂಡ ಉತ್ತಮ ಪವರ್ ಪ್ಲೇ ಪ್ರದರ್ಶನ ನೀಡಿತು. ಆರಂಭಿಕ ಬ್ಯಾಟ್ಸ್‌ಮನ್‌ಗಳು 9.53 ರನ್ ಪ್ರತಿಓವರ್ ಸರಾಸರಿಯಲ್ಲಿ ಸ್ಕೋರ್ ಮಾಡಿ, ಮೊದಲ 6 ಓವರ್‌ಗಳಲ್ಲಿ 56/1 ರನ್ ಗಳಿಸಿದರು.

ಫಿಲ್ಸಾಡ್ ತಂಡಕ್ಕೆ ಉತ್ತಮ ಆರಂಭವನ್ನು ನೀಡಿದ್ರು. ಪವರ್‌ಪ್ಲೇ ನಂತರ ಮಧ್ಯಮ ಗತಿಯ ಬ್ಯಾಟಿಂಗ್ ಆಡಿದರೂ, ಕೊನೆಯ ಓವರ್‌ಗಳಲ್ಲಿ ವೇಗವಾಗಿ ರನ್ ಸೇರಿಸಲು ತಂಡ ಯಶಸ್ವಿಯಾಯಿತು.

2. ಮಧ್ಯಮ ಕ್ರಮಾಂಕದ ಆಟಗಾರರ ಜವಾಬ್ದಾರಿಯುತ ಬ್ಯಾಟಿಂಗ್

ಆರ್ಸಿಬಿ ತಂಡದ ಮಧ್ಯಮ ಕ್ರಮಾಂಕ ನಿರ್ಣಾಯಕ ಪಾತ್ರ ವಹಿಸಿತು. ನಾಯಕ ರಜತ್ ಪಟಿದಾರ್ ಭರ್ಜರಿ ಅರ್ಧಶತಕ ಬಾರಿಸಿ ತಂಡವನ್ನು ಪಕ್ಕಾ ಸ್ಥಿತಿಗೆ ಕೊಂಡೊಯ್ದರು. ದೇವದತ್ ಪಡಿಕ್ಕಲ್ (27), ಲಿಯಾಮ್ ಲಿವಿಂಗ್‌ಸ್ಟೋನ್ (10) ಮತ್ತು ಜಿತೇಶ್ ಶರ್ಮಾ (12) ತಂಡಕ್ಕೆ ಕೊಡುಗೆ ನೀಡಿದರು.

ಕೊನೆಯ ಹಂತದಲ್ಲಿ ಟೀಮ್ ಡೇವಿಡ್ ಭರ್ಜರಿ ಹಿಟಿಂಗ್ ಮೂಲಕ ಮೂರು ಸಿಕ್ಸ್ ಬಾರಿಸಿ ತಂಡದ ಮೊತ್ತವನ್ನು 196 ರನ್ ಗೆ ತಲುಪಿಸಿದರು.

3. ಸ್ಪಿನ್ ಬೌಲರ್‌ಗಳ ಎದುರು ಆರ್ಸಿಬಿಯ ಆಕ್ರಮಣಕಾರಿ ಬ್ಯಾಟಿಂಗ್

ಪಂದ್ಯದ ಪ್ರಮುಖ ಪ್ರಶ್ನೆಯೇಂದರೆ, ಆರ್ಸಿಬಿ ಚೆನ್ನೈನ ಸ್ಪಿನ್ನರ್‌ಗಳನ್ನು ಹೇಗೆ ಎದುರಿಸುತ್ತದೆ? ಆದರೆ, ತಂಡ ಸೂಕ್ತ ಆಯ್ಕೆ ಮಾಡಿದ್ದರಿಂದ ಯಾವುದೇ ತೊಂದರೆ ಉಂಟಾಗಲಿಲ್ಲ.

• ನೂರ್ ಅಹ್ಮದ್ ವಿರುದ್ಧ ಎಚ್ಚರಿಕೆಯಿಂದ ಆಡಿದ ಆಟಗಾರರು ಅವರ ನಾಲ್ಕು ಓವರ್‌ಗಳಲ್ಲಿ 36 ರನ್ ಗಳಿಸಿದರು.

• ರವೀಂದ್ರ ಜಡೇಜಾ ವಿರುದ್ಧ ಆಕ್ರಮಣಕಾರಿ ತಂತ್ರ ಬಳಸಿ 37 ರನ್ ಕಲೆಹಾಕಿದರು.

• ಆರ್.ಅಶ್ವಿನ್ ವಿರುದ್ಧ ಪ್ಲಾನ್ ಮಾಡಿಯೇ ಆಡಿದ ಆರ್ಸಿಬಿ, ಅವರು ಎಸೆದ 2 ಓವರ್‌ಗಳಲ್ಲಿ 22 ರನ್ ಗಳಿಸಿದರು.

4. ರಜತ್ ಪಟಿದಾರ್‌ನ ಬುದ್ಧಿವಂತ ನಾಯಕತ್ವ

ನಾಯಕ ರಜತ್ ಪಟಿದಾರ್ ತಮ್ಮ ನಾಯಕತ್ವ ಗುಣಗಳನ್ನು ಪ್ರದರ್ಶಿಸಿದರು. ವಿಶೇಷವಾಗಿ, ಭುವನೇಶ್ವರ್ ಕುಮಾರ್ ಗೆ ಪವರ್ ಪ್ಲೇನಲ್ಲಿ 3 ಓವರ್ ನೀಡುವುದು, ಲೆಫ್ಟ್-ಹ್ಯಾಂಡ್ ಬ್ಯಾಟರ್ ಎದುರು ಸುಯೇಶ್ ಶರ್ಮ ಅವರಿಗೆ ಬೌಲಿಂಗ್ ನೀಡುವುದು, ಹಾಗೂ ಟೀಮ್ ಡೇವಿಡ್ ನವರನ್ನ ಕೊನೆಯ ಓವರ್‌ಗಳಲ್ಲಿ ಸರಿಯಾಗಿ ಬಳಸುವುದು ಇವರ ತಂತ್ರಯುಕ್ತ ನಾಯಕತ್ವವನ್ನು ತೋರಿಸಿತು.

• ಕುಣಾಲ್ ಪಾಂಡ್ಯ ಗೆ ಕೂಡ ಸೂಕ್ತ ಸಮಯದಲ್ಲಿ ಬೌಲಿಂಗ್ ನೀಡಿದ್ದು ಅವರಿಂದ ಉತ್ತಮ ಪ್ರದರ್ಶನ ಪಡೆಯಲು ಸಾಧ್ಯವಾಯಿತು.

• ಫೀಲ್ಡಿಂಗ್ ಸೆಟಪ್ ಸರಿಯಾಗಿ ಹೊಂದಿಸಿ ಎದುರಾಳಿಗಳಿಗೆ ಹಿನ್ನಡೆ ಉಂಟುಮಾಡಿದರು.

5. ಆರ್ಸಿಬಿಯ ಶ್ರೇಷ್ಟ ಫೀಲ್ಡಿಂಗ್ ಪ್ರದರ್ಶನ

ಆರ್ಸಿಬಿ ಈ ಪಂದ್ಯದಲ್ಲಿ ಶ್ರೇಷ್ಟ ಫೀಲ್ಡಿಂಗ್ ಪ್ರದರ್ಶಿಸಿದೆ. ಕಳೆದ ಪಂದ್ಯಕ್ಕಿಂತ ಈ ಬಾರಿ ಫೀಲ್ಡರ್‌ಗಳು ಏಕಾಗ್ರತೆಯಿಂದ ಆಡಿದರು.

• ಬದಲಿ ಆಟಗಾರ ಮನೋಜ್ ಭಾಂಡಾಗೆ ಅದ್ಭುತ ಕ್ಯಾಚ್ ಹಿಡಿದು ಋತುರಾಜ್ ಗಾಯಕ್ವಾಡ್ ಅವರನ್ನು ಪೆವಿಲಿಯನ್ ಕಳುಹಿಸಿದರು.

• ಫಿಲ್ಸಾಡ್ ಈ ಪಂದ್ಯದಲ್ಲಿ ಮೂರು ಕ್ಯಾಚ್ ಹಿಡಿದು ತಂಡದ ಗೆಲುವಿನಲ್ಲಿ ಮುಖ್ಯ ಪಾತ್ರ ವಹಿಸಿದರು.

ಪಂದ್ಯದ ಅಂತಿಮ ಸ್ಕೋರ್

• ಆರ್ಸಿಬಿ - 196/7 (20 ಓವರ್)

• ಚೆನ್ನೈ ಸೂಪರ್ ಕಿಂಗ್ಸ್ - 146/8 (20 ಓವರ್)

• ಆರ್ಸಿಬಿ 50 ರನ್‌ಗಳ ಭರ್ಜರಿ ಗೆಲುವು ದಾಖಲಿಸಿದೆ

ಆರ್ಸಿಬಿ ತಂಡ ಚೆನ್ನೈನಲ್ಲಿ 17 ವರ್ಷಗಳ ಬಳಿಕ ಐತಿಹಾಸಿಕ ಗೆಲುವು ದಾಖಲಿಸಿದ್ದು, ಇದು ಅವರ ಪಾಯಿಂಟ್ ಟೇಬಲ್‌ನಲ್ಲಿ ಮುನ್ನಡೆ ಸಾಧಿಸಲು ಸಹಾಯ ಮಾಡಿದೆ. ಬ್ಯಾಟಿಂಗ್, ಬೌಲಿಂಗ್ ಮತ್ತು ಫೀಲ್ಡಿಂಗ್ ಎಲ್ಲ ವಿಭಾಗದಲ್ಲಿಯೂ ಉತ್ತಮ ಪ್ರದರ್ಶನ ನೀಡಿರುವ ಆರ್ಸಿಬಿ, ಮುಂದಿನ ಪಂದ್ಯಗಳತ್ತ ವಿಶ್ವಾಸದೊಂದಿಗೆ ಮುನ್ನಡೆಯುತ್ತಿದೆ.